Marlow se Tweekamp is kerngesond en een van die vier groter somersporte by die skool. Ongelukkig speel die klimaat en seisoene ‘n groot rol in die sport en is dit tot aan die einde van Oktober nog te koud vir die seuns om werklik met swemoefeninge te begin. Dit plaas groot druk op die atlete en beteken dat ons altyd met ‘n agterstand teen die atlete in Port Elizabeth moet deelneem. Tog is Stephen Botha , Marco Blom, Jaden Lourens, Andre Kritzinger, Anton Vosloo en Lee-Andre Cowley gekies vir die Suid-Afrikaanse span en het 19  atlete provinsiale kleure verwerf hierdie jaar. Marlow het ook vir die afgelope vyf jaar die Interskole beker in die O.P. gewen as beste Tweekamp skool in hierdie provinsie.

Vier seuns neem aan fietsry deel hierdie jaar. Drie het aan die gesogte bergfiets wedrenne in die Oos-Kaap deelgeneem en Peet Schoeman kom dan ook tweede vir juniors in die Addo wedren.

Louis Swart het ook aan verskeie groot padfietswedrenne deelgeneem waarvan die Cape Argus seker die bekendste is