• Springbokkop Wolklasseringskursus
Vanjaar het twintig graad twaalf-leerders die kursus bygewoon wat deur BKB aangebied is. Agt seuns behaal die gesogte Springbokkop en `n verdere tien Agriseta sertifikate.

• Bokhaarklasseringskursus
Drie-en-twintig graad elf-leerders woon die kursus by wat deur CMW aangebied is. Vir die eerste keer in die geskiedenis word `n 100% slaagsyfer behaal. CMW en Bokhaar SA word bedank.

• KI-kursusse
Al veertien leerders het die KI-kursus geslaag wat aangebied is deur Robert Bosch van Xseed geneties. Baie geluk met hierdie mooi prestasie.

• SA Vleismerino Beginnerskursus
Al die graad nege-leerders het hierdie kursus wat deur die SA Vleismerino Telersgenootskap aangebied is, bygewoon.

• Junior Boerbokbeoordeling
Die Boerboktelersgenootskap het `n volledige kursus aangebied deur Hans Greeff van Grootfontein aan belangstellende leerders. Sewe leerders slaag hierdie kursus.

• Bestuur en onderhoud van trekkers
Willie van der Merwe van Wilan Agri het hierdie baie gewilde kursus aangebied aan belangstellende leerders tydens die kortkursusse week.

• Nivelleerder (Dumpy level) – kursus
Ses leerders het hierdie kursus bygewoon wat aangebied is deur Dassie Mulder.

Twee nuwe kursusse wat baie belangstelling gelok het, is hierdie jaar aangebied en sal beslis weer volgende jaar herhaal word.

• Ongedierte beheer
Twee-en-twintig leerders woon die kursus by wat aangebied word deur Dawie de Klerk en Tim Jhong van Natuurbewaring. Die kursus het gehandel oor die skiet van ongediertes en die regte jagproklamasies en –permitte.

• Gebruik van kettingsaag
Waldo Nel van Allcut het hierdie baie interessante en leersame kursus aangebied aan ses leerders. Alle aanbieders van kursusse was beïndruk met die graad tien en elf leerders se samewerking.

• Plaasbesoeke
Die graad elf Landboubestuurspraktyke klas het `n baie leersame besoek aan Wildeklawer boerdery van Louis de Kock by Barkley-Wes gebring.

Die graad elf Landboubestuurspraktyke klas woon ook `n inligtingsdag oor Bonsbara beeste in Steynsburg by.